Boy Abunda and Bong Quintana (Couple)

Kahit kailan ay hindi itinago ng hari ng talk TV host na si Boy Abunda ang kanyang kasarian. I guess, everybody knows. Alam din ng marami na may live-in partner siyang si Bong Quintana na kanya ring business partner at ang pagsasama nilang dalawa ay kinaiinggitan ng marami. Kung ang ibang couples ay nauwi sa hiwalayan pagkaraan ng ilang taong pagsasama, kakaiba naman ang relasyon nina Boy at Bong na umabot na ng 23 taon o mahigit dalawang dekada. Twenty years ago, nagkita sina Boy at Bong sa Metropolitan Theater kung saan dati nagtatrabaho si Boy bilang PR director at nagpunta naman doon si Bong upang mag-dance audition kay Douglas Nieras. Ang unang pagkikita nina Boy at Bong sa Met ay nasundan hanggang sa ito’y mauwi sa kanilang pagkakaroon ng relasyon. Aminado si Bong na meron siyang girlfriend noon pero nang magkakilala sila ni Boy ay tuluyan niyang kinalimutan at tinalikuran ang kanyang dating kasintahan. Inamin din nina Boy at Bong na wala umanong lalaki o babae sa kanilang relasyon. Ang mahalaga, mahal nila ang isa’t isa at suportado ng kani-kanilang mga pamilya at mga kaibigan.